الدرس الثالث والرابع علوم المفهوم الثاني الصف السادس الابتدائى مفهوم الحرارة وتغيرات الطقس

سلام عليكم ازيك يا دكتور سنه ه يا رب تكون بخير وامورك تكون طيبه النهارده هنخلص المفهوم الثاني هناخد الدرس الثالث والرابع درس كله نظري شويه حاجات كده ان شاء الله هنحاول نفهمها مع بعض في البدايه كده خليني اقول لك كل سنه وانت طيب رمضان بيجري عندنا دعوه ثابته ثابته خلال شهر رمضان مش هنغيرها الا وهي ان ربنا يكرمك ويوفقك ويرضيك ويرضى عنك ويجبرك ويسدد خط قلمك في الامتحان تخيل دعوه ثابته طول شهر رمضان بنقولها فربنا سبحانه وتعالى اكرم بكثير جدا من انه يرد الدعوه بتاعتنا قول امين ان شاء الله الدعوه مستجابه ما تنسانيش من دعواتك الجميله وقت الفطار صلي على النبي وتعال نبدا حصتنا النهارده وكالعاده هنحل واجب الحصه اللي فاتت تركيز شديد من فضلك الحصه كلها من اولها لاخرها مهمه جدا انا نسيت اقول لك ان انا بحبك جدا على فكره بحبك اهو يمكن قياس عوامل الطقس من ارتفاعات مختلفه الكلام ده مظبوط طب ليه طيب لان عندنا ادوات واجهزه نقدر او عندنا ادوات نقدر نحملها على اجهزه على ارتفاعات مختلفه زي ما قلنا الحصه اللي فاتت زي مثلا الطائرات او بالونات الطقس او حتى الاقمار الصناعيه لا تعتبر الرياح والرطوبه من عوامل الطقس ازاي؟ الرياح والرطوبه ودرجه الحراره والضغط وكل ده كله من عوامل الطقس بالونات الطقس بيقول لي اذكر الاهميه بتاعتها ما احنا لسه كنا بنقول ان احنا بنحمل ادوات الطقس او ادوات قياس الطقس بواسطه بعض الاجهزه او بعض الحاجات حاجات زي بالونات الطقس فهي وظيفتها الحمل بتحمل ادوات القياس على ارتفاعات مختلفه عشان نقدر نقيس الاحوال الجويه خلاص يبقى حمل ادوات القياس ممكن تقول عاليا وممكن تقول على ارتفاعات مختلفه ليه طيب لقياس الاحوال الجويه لقياس الاحوال الجويه حلو جميل النماذج الحاسوبيه انا عايز اسالك سؤال معلش احنا كنا بنستخدمها في اني خطوه خطوه رقم لاثه اللي هي خطوه الربط ما بين الاشياء ودي الخطوه الاخيره صح ولا ايه يا دكتور يا دكتوره صلي على النبي عليه الصلاه والسلام الخطوه الاخيره اللي هي خطوه التنبؤ او خطوه الربط ما بين الاشياء هي خطوه التنبؤ مش احنا كنا عايزين يا اد نتنبا بالطقس نتنبا بالطقس صح ما هو التنبؤ بالطقس بيتم على ثلاث مراحل والمرحله الاخيره هي مرحله التنبؤ جمع البيانات وتح تحليلها ثم ها الربط ما بين الاشياء ما هو الربط ما بين الاشياء في الاخر خالص بيديك التنبؤ فالمرحله دههي هي مرحله التنبؤ يبقى في المرحله دي بنتنبا بكيفيه تفاعل العوامل المختلفه مع بعضها البعض التنبؤ بكيفيه تفاعل العوامل المختلفه مع بعضها ليه طيب للتنبؤ بالطقس في الاخر بقى ما انا عايز اتنبا بالطقس فبالتالي بندرس تاثيرها لازم ندرس تاثيرها الاول على احوال الطقس عشان نتنبا بيه خلاص لدراسه تاثيرها على الاحوال الجويه ومن ثم التنبؤ بالطقس تاني معلش ده سؤال كويس ليه لان بينم على انك فاهم احنا دلوقتي ليه بنستخدم نماذج الحاسبيه ممكن تقول له للربط ما بين الاشياء لدراسه تاثيرها على الاحوال الجويه تعالى تعالى يا متفوق يا جميل يا اللي جاوبت الاجابه دي اهو للربط مش هي بتستخدم في مرحله الربط قول له كده افضل للربط بين الاشياء لدراسه تاثيرها على الاحوال الجويه بس انا في بعض الاوقات بحب ان انا التزم باجابات الكتاب ليه عشان الولد ما يرتبكش مش عايز الولد يرتبك اللي هو ايه يا مستر انا حافظها كده بتغيرها ليه دلوقتي فببقى بحاول بنسبه 99% التزم باجابات الكتاب مع ان عندي افضل منها بس انا مش عايز الولد يبقى ايه ما بين نارين كده لا احب ان الولد يكون مستقر اه ده المستر قال الاجابه اللي انا حافظها وقال اجابه كمان خلاص انا لما كانك اقول دي ولو انت عايز تقول اجابه محترمه اكتر فهتقول كده اجابه الكتاب اختر الاجابه الصحيحه بيستخدم نقط لتحديد المسار المحتمل امل للاعاصير اولا مش البارومتر ده بنستخدمه في قياس الضغط ولا الانيمومتر اللي بنستخدمه في تحديد او قياس سرعه الرياح ولا الترمومتر اللي احنا بنستخدمه في قياس درجه الحراره اكيد هو القمر الصناعي ده من ضمن الاختيارات كلما زادت الرطوبه نقط كميه البخار الميه الذي يمكن ان يتكثف الرطوبه يعني كميه البخار كل ما تزيد الرطوبه يزداد كميه البخار تزداد زادت المرحله التي يعتمد فيها خبراء الارصاد على ادوات ادوات القياس لدراسه الاحوال الادوات بنستخدمها عشان نجمع البيانات فبالتالي بنستخدمها في مرحله جمع البيانات نشوف الورقه الثانيه والاخيره بيستخدم طبعا بيقول لي اكمل مما بين القوسين يستخدم البارومتر احنا قلنا البارومترات خاصه بالضغط الجوي لكن الترمومتر هو اللي خاص بقياس درجات الحراره درجه الحراره نهارا في المناطق الصحراويه نقط منها في المناطق الساحليه احنا بنتكلم في النهار النهار يعني درجه الحراره عاليه في المناطق الصحراويه ففي رمل والرمل بيكتسب الحراره بسرعه فبالتالي هنا الحراره هتبقى مرتفعه اكبر يبقى اكبر منه اكتب المصطلح العلمي اداه تستخدم لقياس درجه حراره الهواء يبقى كتب ترمومتر طبعا ترمومتر يا ريت من فضلك لما تيجي تجاوب على السؤال ده في الامتحان تختر وتجاوب هنا يعني تكتب هنا كلمه الضغط الجوي وتكتب هنا ايه اكبر من خلاص او اكبر منهاب كلمه اكبر فقط فبالتالي ما تختارش فقط جاوب كمان بالايه لانه بيقول لك اكمل فما تنساش تكتب الاجابه طيب وزن عمود من الهواء فوق منطقه ما ده الضغط الجوي حد عارف تعريف اني ضغط الجوي القوه التي يؤثر بها الهواء على البيئه المحيطه لان القوه اللي بياثر بها الهواء هي دي وزنه بس داخل عمود من الهواء بتبقى تبقى مساحه مقطع الوحده بس الكلام ده اكبر من سنك بيبقى ارتفاعه من اول المنطقه لحد الغلاف الجوي فوق على ارتفاع تقريبا 1000 م سطح البحر اذكر ال او اكتب اجب عن الاسئله التاليه اذكر السبب بيقول لي التنبؤ باحوال الطقس تكون غير مؤكده واحنا قلنا الحصه اللي فاتت انها بتعرض في صوره نسب مئويه وقد يكون غير اصلا المتوقع يعني ممكن يقول لك في امطار في اليوم الفلاني وتلاقيه ما تلاقيش امطار وتلاقي الجو حر بسبب ان في بعض التغيرات الغير متوق وقعه واللي بتحصل بسرعه نقول له بسبب بعض التغيرات بص كده الغير متوقعه دي اول حاجه والسريعه بقى السريعه ليه ما بيبقاش عندنا وقت ان احنا نتنباها خلاص بسبب بعض التغيرات الغير متوقعه والسريعه في بعض عوامل الطقس ايه هي بعض عوامل الطقس دي اللي هي في درجات الحراره والرطوبه وضغط الجوي الخ بسبب ان احنا عندنا بعض التغيرات اللي بتحصل والغير متوقعه والسريعه كمان في بعض عوامل الطقس ماذا يحدث عند تسخين كميتين متساويتين من الماء والرمل لنفس الفتره الزمنيه يعني اخدت شويه ميه وشويه رمل سخنتهم لمده ربع ساعه طبعا درجه حراره الرمل هتبقى اكبر لان الرمل بيكتسب الحراره اسرع خلاص يبقى نقول له درجه حراره الرمل تكون اعلى بين قوسين اكبر من درجه حراره الماء. طب لو قلت لك مع ذكر السبب تقوللي لان الرمال تكتسب الحراره بشكل اسرع من الميه كما انها تفقدها بشكل اسرع. في اي مراحل دراسه الطقس يتم استخدام الخرائط؟ المرحله الثانيه تحليل البيانات. تحليل البيانات وقلنا ان احنا عندنا الخريطه دي من اهم الوسائل اللي احنا ممكن نستخدمها في تحليل البيانات لانها بتوصل المعلومات للجمهور بشكل سريع جدا وكمان سهله في تمثيل البيانات حتى راجل بيقول لك وما اهميتها هي بتبقى مهمه جدا في تمثيل البيانات وتوصيل المعلومات الى الجمهور بشكل سريع يبقى نقول له تمثيل البيانات تيجي تبص كده على الخريطه تبص كده تلاقي هنا ا قيم الضغط الجوي وقيم درجات الحراره وقيم مش عارف ايه فبنستخدمها في تمثيل البيانات وتوصيل كمان المعلومات للجمهور بشكل سريع هتعرضها بس على الشاشه ويطلع واحد يقعد يقول لك والله الحراره هنا كذا وكذا وكذا وكذا جميل يبقى توصيل المعلومات الى عامه الجمهور اللي هو عامه الناس يعني اللي هو احنا ما اسم الجهاز الانيمومتر فيما يستخدم هذا الجهاز يا اد قياس سرعه الرياح قياس سرعه الرياح بشكركم جزيلا الناس اللي حلت الواجب شكرا ليك انت ماشي صح ربنا يوفقك ويكرمك ويرضيك ويرضى عنك الدعوه دي اصلا معموله علشانك انت يا طالب يا مجتهد وان شاء الله تكون من نصيب كل الناس يعني مش هنشيلها عن الناس نشوف درسنا النهارده بص معايا يا بطل بص معايا يا دكتوره ماذا عن الدرس الثالث والرابع الدرس الثالث والرابع درس اسئله نظري هتتحفظ ولكن مهمتي معاك ان اسهل عليك الحفظ ده احنا في البدايه كده هنعمل تجربه الكتاب فعلا عملها طب هنعمل تجربه ليه علشان نجاوب على سؤال ايه هو السؤال اللي احنا هنعمل التجربه علشان نجاوب عليه السؤال بيقول لك كيف يؤثر اختلاف سيب قلمك وركز معايا وفكر معايا كيف يؤثر اختلاف درجات الحراره على حركه الهواء ومن قبل ما نعمل التجربه انا عايزك تفكر معاك هو ازاي اختلاف درجات الحراره بياثر على حركه الهواء لو جينا نبص للكلمه دي يا باشمهندس اختلاف درجات الحراره فنقدر نطلع منها بكلمه مهمه جدا ان اختلاف درجات الحراره يؤدي يؤدي لاختلاف ها الكثافات برافو عليك هي دي الكلمه اللي انا عايزها الكثافات اختلاف الكثافات بيخلي عندنا هواء دافئ وهواء بارد الهواء الدافئ كثافته قليله فيطلع لفوق والهواء البارد كثافته كبيره فينزل لتحت فاحنا نقدر نجاوب على السؤال من غير ما نعمل التجربه لكن لازم نعمل التجربه لان هي فعلا اثبات قوي جدا كيف يؤثر اختلاف درجات الحراره على حركه الهواء اختلاف درجات حراره الهواء يؤدي الى اختلاف الكثافات فات فبيبقى عندنا هواء دافئ كثافته قليله فبيصعد لاعلى في حين ان بيكون عندنا هواء بارد درجه حرارته قليله يعني تكون كثافته كبيره بسبب تقارب الجسيمات فبينزل لتحت فده بياؤدي الى صعود طيارات وهبوط تيارات فبيؤدي الى وجود طيارات الحمل الحراري التجربه البسيطه اللي احنا جايين نعملها مش هتتحفظ ولا حاجه مش هتتحفظ فعلا احنا ما بنحفظش تجربه ولكن احنا عايزين التجربه عشان نجاوب على السؤال واحنا خلاص جاوبنا عليه فتعالوا نشوف التجربه بسرعه عشان نقدر يعني نخلص الحصه بتاعتنا في اقل وقت ممكن. احنا جايين نعمل تجربه عشان نجاوب على سؤال كيف يؤثر اختلاف درجات الحراره على حركه الهواء؟ محتاجين ورقه هقول لك هتعمل بيها ايه دلوقتي ومصباح كهربي او شمعه اي حاجه كده تدينا طاقه حراريه وعايزين خيط طوله من 15 ل 30 سم وعايزين شريط لاصق عشان نلزق الخيط في الورقه وعايزين مسحوق بودره تلك بودره التلك لو انت ما تعرفش شكلها افتح كده اليوتيوب واكتب بودره تلك وشوف شكلها المهم هتعمل ايه هتبدا تقص الورقه اللي انت جبتها بالشكل الحلزوني اللي انت شايفه قدامك ده قص الورقه بشكل حلزوني والزق الخيط في وسط الشكل هنلزقه بايه ما انت حضرتك جايب شريط لاصق جميل بيقول لك طيب امسك بقى الورقه حضرتك من فوق كده من الخيط انت ماسك الخيط والورقه وبعدين ابدا حطها فوق المصباح بس استنى في البدايه خلي المصباح مطفق مطفي يعني امسك الورقه بالخيط فوق المصباح بس المصباح مطفي وبعدين اعمل عمل الحركه دي تاني بس بعد ما تبدا ان انت تنور المصباح بتاعك بعد ما تبدا انك تشغل المصباح لفتره طب هتفرق ايه يا مستر ان المصباح مطفي والمصباح شغال تفرق كتير جدا لو المصباح بتاعك مطفي فبالتالي ما فيش طاقه حراريه هتخرج منه لكن لو المصباح بتاعك مضاء شغال لفتره بينتج عنه طاقه حراريه ودي مهمه جدا في التجربه بتاعتنا فالراجل بيقول لك شغل المصباح وامسك الورقه الحلزونيه فوقه ثم سجل ملاحظتك او الملاحظات بتاعتك بيقول لك لاحظ التاثير عند نصر بودره التلك في حاله المصباح المطفى وفي حاله المصباح المضاء بص يا سيدي تعال بقى ناخد اللي هيحصل كده واحده واحده دلوقتي لو المصباح مطفي ايه اللي انت هتلاحظه انا وانا ماسك الورقه دي من فوق هلاقي الورقه دي ثابته في حاله المصباح لما يكون مطفي هلاقي الورقه دههي ثابته ما بتتحركش ثابته طب ليه ثابته هتعرف دلوقتي كمان حضرتك بترش بودره تلك هنا هتلاقيها بتنزل كده عشوائي على الاجناب هتلاقيها بتنزل في امتى حاله المصباح المطفي تلاقيها بتنزل عشوائي كده على الجناب كده انت بترش بودره تلك هنا بتنزل عشوائي على الجناب كده اهو يبقى في حاله المصباح المطفق هنلاقي ان الورقه اللي فوق ثابته مش بتتحرك انا ماسك الخيط من فوق كده والورقه دي ثابته ما بتتحركش في حاله المصباح المطفق طيب وهلاقي كمان بودره التلك اللي انا راميها بتنزل كده بتتناثر على الاجناب بشكل عشوائي نازله هنا ونازله هنا زي ما تنزل لكن لما حضرتك تشغل المصباح بينتج عنه طاقه حراريه يبقى في هنا حراره وانت عارف طبعا ان المصباح بيطلع لك ضوء وحراره بقى هنا حراره حراره حراره حراره حراره الحراره اللي بتطلع من المصباح يا اد بتبدا تسخن الهواء اللي هنا كده الهواء اللي حوالين المصباح بيبدا يسخن ولما يسخن بتقل كثافته ولما تقل كثافته بيطلع لفوق في حين ان في هواء ثاني بارد كانت فوق ابرد منه بينزل يلامس المصباح فلما الهواء ينزل يلامس المصباح يقوم يسخن ها ايه اللي يحصل يسخن تقل كثافته فيطلع لفوق وينزل هواء من فوق ايه بارد فبيبدا يكون في صعود من طيارات الهواء وهبوط لتيارات ثانيه هو ده اللي هيادي الى حركه الورقه حركه حركه الورقه فلما هنبدا نشغل المصباح هنبدا نلاقي الورقه دههي بدات تلف كده ايه اللي هيخلي الورقه تلف ان احنا عندنا طيارات هواء ساخن طالعه وعندنا طيارات من الهواء البارد نازله ودي كده بنسميها طيارات الحمل طب ايه اللي كان السبب في طيارات الحمل؟ اختلاف الكثافات بتاعه الهواء ايه اللي ادى لاختلاف الكثافات؟ اختلاف درجات الحراره فلما شغلنا المصباح طلع عنه حراره الحراره دي سخنت الهواء القريب بعد ما بيسخن بتقل كثافته ويطلع لفوق وينزل مكانه هواء بارد حركه الهواء صعودا وهبوطا هي اللي بتحرك الورقه وبتخليها تبدا تلف كمان كنت انت رامي بودره تلك هنا صح البودره دي هتبدا تحس انها بتطلع لفوق بقى كده ليه؟ لان تيارات الهواء اللي طالعه هتاخدها معاها هو ده الفرق فهنا بنعرف فعلا ان اختلاف درجات الحراره بيؤدي الى اختلاف الكثافات واختلاف الكثافات هو اللي بيؤدي الى حدوث تيارات الحمل الحراري فعندنا هواء دافئ بيرتفع لاعلى وهواء بارد بينزل لتحت خلينا نبص على الملاحظه والنتائج مع بعض كل الكلام اللي احنا قلناه متفصل قدامك في حاله المصباح المطف يا المصباح لما يبقى مطفي بيبقى بارد وبالتالي ما فيش هواء بقى ساخن يطلع لفوق وهواء بارد ينزل مكانه وكده فبالتالي بتلاقي الورقه ثابته ما بتتحركش مسحوق بودره التلك بتلاقيه نازل كده من الاجناب بشكل عشوائي بينتشر عشوائيا لكن في حاله ان انت شغلت المصباح واستنيت عليه شويه بيبدا يسخن اي مصباح من اللي حواليه دلوقتي لو انا حطيت ايدي عليه هلاقي فيه حراره هشعر بالحراره هشعر بالدفق شويه خصوصا ان احنا كمان في البرد دلوقتي ليه بسبب ان المصباح بيطلع ضوء وحراره فبالتالي بالتالي بنبص على الورقه نلاقيها تبدا تدور طب ليه طيب؟ لان الهواء اللي ملامس للمصباح زي ما انت شايف هنا كده بيسخن ويبدا يطلع لفوق اللي هنا واللي هنا وكل هواء ملامس للمصباح بيسخن وينزل مكانه هواء ثاني هو ابرد منه ينزل يلامس المصباح يسخن فيطلع ثاني صعود الهواء وهبوط هواء بيخلي الورقه اللي فوق دي تبدا ايه تلف كده تدور كمان مسحوق بودره التلك اللي انت كنت حاطه هنا بيبدا ايه يطلع لفوق ويبعد عن المصباح يبدا يطلع لفوق ويبعد لان التيارات الحمل اللي طالعه بتاخده معاها مسحوق بودره التلك بيتحرك لاعلى بعيدا عن المصباح اذا السبب في حركه الهواء صعودا وهبوطا هو اختلاف درجات الحراره اختلاف درجات الحراره وانت عسول وعارف ان اختلاف درجات الحراره بيؤدي الى اختلاف كثافات الهواء فبيبقى عندنا هواء ساخن كثافته قليله يطلع لفوق اهو الهواء الساخن يتمدد تتباعد جزيئاته يعني وتقل كثافته فيرتفع لاعلى في حين ان احنا عندنا هواء بارد اكبر كثافه بينزل يحل محل الهواء اللي طلع فوق وده كله اسمه تيارات الحمل الحراري ده التحليل والاستنتاج بيدل دوران الورقه الحلزونيه يا اد على ان في اختلاف في درجات الحراره واللي بدورها ادت الى اختلاف الكثافات واللي بدورها عملت صعود لتيارات من الهواء وهبوط لطيارات ثانيه فادت الى ما يسمى بتيارات الحمل الحراري اختلاف درجات الحراره يؤثر في حركه الهواء مما يؤدي الى تكوين تيارات الحمل وتيارات الحمل هي السبب في دوران الورقه الحلزونيه جميل يا باشمهندس يبقى كيف يؤثر اختلاف درجات الحراره في حركه الهواء اختلاف درجات الحراره بيؤثر في كثافات الهواء فبيبقى عندنا هواء ساخن كثافته قليله ويتحرك لاعلى وهواء بارد كثافته كبيره ويهبط لاسفل فيما يسمى تيارات الحمل الحراري اي تجربه بناخدها هي محاكاه للي بيحصل على سطح الارض التجربه البسيطه اللي احنا عملناها دلوقتي يا ادوا بقى نطبقها على كوكب الارض كله اكيد طبعا على كوكب الارض عندنا اختلاف في درجات الحراره ولا انت مش متفق معايا طبعا في اختلاف في درجات الحراره على حسب كميه الاشعاع الشمسي اللي المنطقه بتتلقاها وعلى حسب اشعه الشمس بتسقط على المنطقه دي بزاويه عامله ازاي وعلى حسب برده المنطقه دي قريبه من خط الاستواء ولا حتى بعيده ولا حتى بعيده جدا فبالتالي بيبقى عندنا اختلاف في درجات الحراره طب ما اختلاف درجات الحراره ده هيؤدي الى اختلاف كثافه الهواء متفق معايا حلو جدا اختلاف كثافه الهواء طب ما اختلاف كثافه الهواء ده هيؤدي الى حدوث حاجه من اثنين يا اما هيخلي في حاجه اسمها تيارات الحمل تحصل الحمل الحراري ودي طبعا حركه الهواء صعودا وهبوطا وانت خدت معانا قبل كده ايه الفرق بين تيارات الحمل الحراري وحركه الرياح تيارات الحمل الحراري بتبقى الحركه بتاعتها مالها راسيا هواء دافع هواء دافئ طالع لفوق ده دافئ وده بارد فاختلاف درجات الحراره يؤدي لاختلاف الكثافه بتاعه الهواء فيما يتسبب في حدوث تيارات الحمل الحراري كمان بيتسبب في حركه الرياح في حركه الرياح وانت عارف طبعا ان الرياح بتتحرك لو انت عندك منطقه دافئه ومنطقه بارده الهواء اللي هنا بيسخن ويطلع لفوق ويحل محله هواء بارد اهو هواء بارد من منطقه مجاوره والحركه هنا حركه افقيه لان حركه الرياح بتبقى افقيه فدلوقتي حضرتك بقيت عارف كويس قوي ان اختلاف درجات الحراره بيؤثر في اختلاف كثافات الهواء فيما يتسبب في حدوث او مما يؤدي الى حدوث تيارات الحمل الحراري اللي الحركه بتاعتها راسيا بسبب صعود الهواء الدافئ وهبوط الهواء البارد وبيتسبب ذلك ايضا في نشاه حركه الرياح عندما يحل الهواء من منطقه بارده الى منطقه دافئه وطبعا الهواء اللي بيحل هو الهواء البارد اللي احنا قلناه ده الراجل صاغه في صوره سؤال مقالي جميل جدا قدامك اهو اديك فهمت تعالى خد سؤال بيجي في الامتحان بقى كيف يؤثر سر اختلاف درجات الحراره على كوكب الارض في حركه الهواء كيف يؤثر في حركه الهواء بيعمل طيارات حمل وبيعمل حركه رياح اديك فهمت احفظ بقى يبقى اختلاف درجات الحراره بيتسبب او بيسبب حركه الهواء اختلاف درجات الحراره بيسبب حركه الهواء راسيا وافقيا راسيا فيعمل تيارات حمل افقيا فيعمل حركه رياح اقرا الاجابه معايا بيسبب حركه الهواء راسيا وافقيا حيث تتحرك تيارات الحمل الحراري طبعا راسيا صعودا وهبوطا فيرتفع الهواء الساخن ويهبط الهواء البارد بينما افقيا دي حركه مين؟ حركه رياح بينما يتحرك الرياح افقيا من المناطق البارده للمناطق الدافئه افهم تلاقي الحفظ بقى سهل في السنوات الاخيره للاسف الظواهر الجويه القاسيه بدات تكتر بقينا نشوف جفاف كتير جدا وبدانا نشوف فيضانات كتير للاسف رغم ان الفيضانات الشديده دي بتحصل كل عشرات السنين وبدانا نشوف عواصف رمليه وكل دي اسمها ظواهر جويه قاسيه شويه يا اد بنشوف حاجه اسمها جفاف بنشوف فيضانات بنشوف عواصف رمليه وكل واحد له الاضرار بتاعته طبعا وله اسباب بتادي الى حدوثه ولو احنا عرفنا الاسباب نقدر نمنعها فبالتالي نقلل منهم دي كده بعض الظواهر الجويه القاسيه اللي بدات تحصل فتعالوا ندرسهم الثلاثه واحده بس في البدايه كده انا عايز اسالك ايه وجهه نظرك عن الجفاف؟ يعني ايه جفاف؟ ميه قليله لفتره طويله الجفاف يعني ميه قليله لفتره طويله بيجي منين الجفاف نقص الامتار مثلا ما فيش امطار كتير او المناخ جف المناخ مافيش فيه خلاص بقى مافيش ميه لفتره طويله جدا لكن الفيضانات بتحصل عند سقوط المطر بكميه اكبر مما يمكن للمجر المائي ان يحتوي المجر المائي بياخد كميه معينه نزلت امطار كتير فالميه بدات تطلع من الاجناب فبدات تمشي تعمل فيضانات ودي مدمره حركه الميه يا جماعه الخير وهي في صوره فيضان مدمره الميه ليها قوه جباره جدا خصوصا انها بتبقى جايه مندفعه اما العواصف الترابيه والعواصف الرمليه بتبقى عواصف لها ارتفاع كبير جدا وقد يصل الى مئات الامتار بتؤثر على البيئه وتاثر على الصحه وتاثر على الاقتصاد وتاثر كمان على حركه التجاره تعالوا ندرسهم بالتفصيل واحده واحده كده وده جزء من اهم الاجزاء في المفهوم كله ومن بعده المفهوم بينتهي ناخد الامور ببساطه كده تعالوا نتكلم عن الجفاف في البدايه اللي جاي ده كله شغل نظري شغل كلام هيحفظ ولكن بدورنا كده بنحاول نسهله عند الولد شويه في السنوات الاخيره كان في زياده في عدد الظواهر الجويه القاسيه وده طبعا بسبب تغير المناخ من المتوقع للاسف زياده عدد وشده الكوارث المناخيه في المستقبل ليه؟ لان المناخ بيتغير للاسوا. طب زي مين؟ يجي في الامتحان يقول لك اكمل من الظواهر الجويه القاسيه نقط ونقط ونقط الجفاف والفيضانات والعواصف الرمليه. طب تعالوا نتكلم عن الجفاف. انت اللي قلت لي من شويه ان الجفاف ميه قليله لفتره طويله هو ده تعريفه. ميه قليله يعني نقص شديد في كميه المطر او نقص شديد في كميه الميه المتاحه في مكان معين. يبقى تعريف الجفاف هو النقص الشديد في كميه المياه المتاحه في مكان ما. ايه هي اسباب اللي بتؤدي الى حدوث الجفاف؟ ما هو يا جماعه الجفاف بيروح لما المطر ينزل بما ان في جفاف يبقى المطر ما نزلش خلاص او نزل مطر بس درجه الحراره عاليه فادت الى وجود تبخر عالي ما احنا عادي جدا ممكن ينزل مطر كتير ولكن درجه الحراره القاسيه في المنطقه دي بتادي الى وجود تبخر كتير فالمطر اللي بينزل بيتبخر زي الصحرا كده ممكن عادي جدا ينزل في بعض الاوقات مطر كتير في الصحرا ولكن بسبب الارتفاع فاع الشديد في درجه الحراره فكله بيرجع يتبخر ثاني ما بقدرش احافظ على الميه هناك واحنا درسنا مع بعض الصحرا كويس قوي وعرفنا المشاكل اللي موجوده في الصحراء لما خدنا دكتور اسيد ورحنا نشوف المشاكل اللي بتبقى موجوده في الصحراء ايه الارتفاع الشديد في درجه الحراره ووجود طقس جاف لفتره طويله يبقى ده السبب الاول وده السبب الثاني عندي سببين بتادي الى وجود الجفاف ارتفاع الشديد في درجه الحراره ومن حق دلوقتي من حق دلوقتي اجي في الامتحان اسالك واقول لك علل الارتفاع الشديد في درجه الحراره هو احد اسباب حدوث الجفاف تقول لي لان الارتفاع الشديد في درجه الحراره يؤدي الى زياده معدل التبخر مما يؤدي الى النقص الشديد في كميه المايه المتاحه انا عايزك تبقى فاهم كده مش جاي تحفظ كلمتين وتمشي الاقي الولد ماسك الورقه يا ماما نعم انا جاي اسمع لك معلش الجفاف هو تعريفه نقص شديد في كميه المياه المتاحه لمكان معين اسباب حدوثه الارتفاع الشديد في درجه الحراره وبطقس جم ايه ده؟ ايه ده؟ لا انا عايزك تحفظ عن فهم عشان المعلومه تثبت في راسك طب انا دلوقتي لو سالتك ليه الارتفاع الشديد بيؤدي الى وجود الجفاف في درجه الحراره تقول لي لان الارتفاع الشديد في درجه الحراره يعمل على زياده كميه التبخر وزياده كميه التبخر تخلي عندك نقص شديد في الميه المتاحه بيقلل من مستوى الميه ومنسوبها وجود الطقس الجاف يعني ما فيش مطر لفتره طويله طب لما يبقى ما يبقاش في مطر لفتره طويله ويبقى في جفاف خد بالك ان في كائنات بتعيش في الميه دي هتموت هتموت ولما تموت باعداد كبيره ممكن حضرتك تلاقيها انقرضت عادي جدا فهتلاقي ان موجات الجفاف بتؤثر على حياه الكائنات الحيه ادي حاجه ما فيش حياه من غير ميه في كل المجالات زراعه صناعه اقتصاد اي حاجه الاقتصاد بتاعك والزراعه بتاعتك وكل حاجه هتتضرب ليه لان كله بيبقى قائم على وجود الميه النقص بتاعه الميه اللازمه للزراعه الزراعه بتاعتك ضاعت الصناعه بتاعتك كمان هتبوظ لان الزراعه في بعض الاوقات او في معظم الاوقات معتمده على الزراعه الصناعات كلها بتاخد حاجات من الزراعه تقوم عليها مش هتعرف تربي حيوانات لان ما فيش ميه وكذلك المدن هتبدا تتاثر تاثر كبير لان طبعا حركه الصناعه في المدن وحركه التجاره في المدن بتبقى كبيره فالاثار السلبيه اول حاجه كده يؤدي الى نقص المياه اللازمه للزراعه والصناعه وتربيه الحيوانات وكذلك نقص المياه في المدن كمان يؤثر نقص المياه على حياه الكائنات الحيه اللي بتعتمد على الميه زي الاسماك وايه و بعض الزواحف او البرمائيات اللي بتعيش في الميه كمان وبتعيش على اليابس كده اتكلمنا عن الجفاف عكس الجفاف هو الفيضان اذا كان الجفاف بيحصل بسبب نقص الميه فالفيضان بيحصل بسبب ميه كتير موجوده دلوقتي انا عندي مجرى مائي اهو يا جماعه المجرى المائي ده بياخد كميه معينه من الميه نزلت الامتار بكثره فبدات الميه تخرج وبتخرج يا يا جماعه بكميات كبيره فالمايه اللي بتخرج دي بتبدا تمشي تعمل لي حاجه اسمها فيضان مدمر الفيضان هو ارتفاع مستوى الميه فوق ضفه النهر وتدفق بغزار طب معلش هي الميه ارتفعت فوق ضفه النهر ليه لان المطر كان كتير فنزلت كميه ميه اكت من اللي النهر بياخدها فبدات الميه تطلع فوق الضفه بتاعته وتبدا انها تخرج وتمشي فتعمل لي فيضان ارتفاع ع مستوى المياه فوق ضفه النهر وتدفقها بغزاره الى الاراضي المحيطه ايه هي الاسباب اللي بتادي الى حدوث الفيضانات ميه كتير يبقى هتول مطر كتير يبقى اكيد عشان المطر الكتير اللي موجود بيبقى عندنا جليت في القطبين لو حصل انصهار مفاجئ للجليد ده بيديك ميه كتير برض بتادي الى وجود فيضانات الانصهار المفاجئ للثلج والجليد طب السؤال هنا ايه اللي هيادي الى وجود انصهار مفاجئ للجليد تغير المناخ المناخ لما يبقى قاسي درجه الحراره تبقى مرتفعه كل ده يؤدي الى ذوبان الجليد بشكل مفاجئ الجليد يذوب بشكل مفاجئ يديك ميه كتير ميه كتير تمشي تعمل لك فيضان مدمر يشيل كل حاجه قدامه فاسباب الحدوثين كثره هطول الامطار تديك مستوى عالي من الميه اثنين الانصهار المفاجئ للثلج والجليد الميه دي بقى بتمشي تبوظ لك اي ارض انت بتزرع تحطم لك المنشات والمباني اي انسان تاخده في سكتها تموته فبتاثر على كل شيء الاثار اهي الاثار السلبيه اي انسان ماشي تاخده معاها غرق الناس والماشيه واي حاجه انت بتربيها بتاخدها معاها تعطيل الحياه والاقتصاد الحياه بتقف لان الفيضان ما بيديكاش اي امكانيه انك تعمل اي حاجه والاقتصاد بتاعك بيقف ليه؟ لان انت بتنقل بضائع عبر الميه والميه كمان بتوقف لك حركه السيارات والشاحنات كل الطرق بتقف ده حتى المباني كمان بتعمل على اتلافها مش هتقدر انها تتلف العربيات والشاحنات اللي ماشيه كل حاجه بتقف وقت حدوث الفيضان ولازم على فكره وقت حدوث الفيضان ده ان احنا ناخد احتياطاتنا يا اد لازم نقعد في اماكن عاليه مرتفعه وعلى فكره بيبقى عندنا حاجات بتتوقع الفيضانات فبنبقى عاملين حسابنا زي ما هنشوف كمان شويه يبقى الاثار السلبيه للفيضانات غرق الناس والماشيه تعطيل الحيوان والاقتصاد تحطيم واتلاف المباني اني بسبب اندفاع الميه وما تستهنش خالص باندفاع الميه يبقى احنا دلوقتي عرفنا ان عدم الاعتدال بص بقى بص اللي بيذاكر صح يقول ايه عدم الاعتدال في هطول المطر دي كارثه ليه لان لو كان في عدم اعتدال بالنقص بيعمل جفاف ولو كان في عدم اعتدال بالزياده بيعمل فيضان الجفاف والفيضانات بيغيروا النظم البيئيه بتاعتك والزراعيه كمان ويدمر المنشات وبيخلوا فيه اصابات وفيات ليه؟ لان الفيضانات بتاخد الناس معاها فيقوم الراجل يصيغ لك سؤال على الحته دي اهو اهو علل عدم الاعتدال في هطول الامطار بيتسبب في حدوث العديد من الامتار من الاضرار عفوا بص عايزك تبقى فاهم كده وانت بتحفظ عدم الاعتدال دههو بيعمل جفاف او فيضان حلو الجفاف والفيضان دول بيغيروا النظم البيئيه خالص بيخلوها كده ايه شبه صفر بيغيروها بدل ما يكون عندك تربه صالحه للزراعه تبقى مش تربه صالحه للزراعه بتاخد كل حاجه بتجري في كل حاجه معاها فالجفاف والفيضان بيحصلوا بسبب عدم الاعتدال في هتول الامطار دول كده يغيروا النظم البيئيه والزراعيه كمان والفيضان يدمر المنشات والفيضان يموت الناس ويموت الماشيه فنقدر نجاوب نقول لان الامطار الغزيره او النادره جدا قد تغير النظم البيئيه والزراعيه وتضر كمان المنشات وتتسبب في وقوع اصابات وفيات وتاخد معاها كل حاجه وتعطل معاها كل حاجه تمام ده سؤال مفالي موجود عندك كمان عندنا سؤال بص كده الفيضان وهو ماشي يا اد الفيضان وهو ماشي دي ميه ماشيه ماء كثيره دي كده ماء كتير ماشيه حلو الميه الكتير دي لو كانت ماشيه على ارض مش متجمده فالمايه بتبدا تسحب من الفيضان ميه لو دي كده ارض غير متجمده ارض غير متجمده يعني ارض مش ناشفه يعني الميه الكتير بتاعه الفيضان لو مشيت على ارض مش متجمده الارض بتسحب من الفيضان ميه فبتقلل من التاثير بتاعه تلاقيه ايه تاثيره بيهد شويه انما لو اليه الكتير اللي هي الفيضان ماشيه على ارض متجمده الارض المتجمده ما بتشربش ميه من الفيضان وهو ماشي فبتسيبه ماشي بالجبروت بتاعه يفضل كده ماشي يحطم اللي يحطمه فبيزداد شده خطوره صوره الفيضان اذا كانت الارض متجمده ليه؟ لان الارض ما بتسحبش ميه من الفيضان وهو ماشي الارض المتجمده لان الارض المتجمده ما بتمتصش كميه ميه من الفيضان وهو ماشي فللاسف مش بتخفف من تاثيره من حده تاثيره فبتسيبه ماشي انما لو كان الفيضان ماشي على ارض غير متجمده فبتسحب وتمتص منه ميه فبتقلل من قوته شويه يبقى تزداد شده وخطوره الفيضان اذا كانت الارض نقط متجمده ده سؤال اكمل في الامتحان طب علل لانها لا تستطيع امتصاص الماء في الظروف دي وبالتالي هي لا تستطيع ان تقلل من حدته بيفضل ماشي بنفس القوه بتاعته يشيل ويدمر ويموت في الناس الحصه كلها حفظ ما فيش فيها حاجات كتيره قوي يعني نقعد نشرحها ورق وقلم فتقبل الحصه معلش انت عارف ان العلوم في بعض الاوقات بيبقى فيها اجزاء كتير حفظ وخاصه المقالي زي الدراسات كده وده اللي بيخلي الماده في بعض الاوقات مش مقبوله شويه مش زي الرياضيات كلها مسائل تفكير احنا عندنا نظم بيئيه النظام البيئي دلوقتي ده نظام بيئي يا باشمهندس عد عليه فيضان طبعا انت عارف ان الفيضان مدمر ولا انت عندك راي تاني يا دكتوره الفيضان مدمر وهنا بنتكلم عن الفيضان ايا كان نوعه فيضان قوي ضعيف متوسط ان الفيضان يعدي على نظام بيئي فللاسف بياؤدي الى تغيير النظام البيئي ولكن هل النظام البيئي ممكن يتعافى بعد ما يحصل له فيضان بعد ما يعدي عليه فيضان اه طبعا عادي على الرغم من ان الفيضانات لها اثار مدمره ولكن النظم البيئيه بتقدر انها تتعافى عادي جدا من الفيضان بعد فتره وتعود لطبيعتها ثاني تمام ده في حتى كمان عندنا نظم بيئيه بتعتمد على حدوث الفيضانات كل فتره زي النظم البيئه اللي موجوده على ضفاف نهر النيل الفيضان يا جماعه بيجيب معاه طمي بيجيب معاه تربه صالحه للزراعه ويقوم رايح راميها على الاجناب فبيخلي التربه اللي هنا ايه صالحه للزراعه اكثر واكثر واكثر في بعض النظم البيئيه بتعتمد على حدوث الفيضانات عشان تجدد نفسها زي اللي موجوده على طول نهر النيل كده لان الفيضان والميه اللي بتطلع من على الجوانب بتحمل معاها طمي وتربه صالحه للزراعه خصبه يعني فاه ممكن يجي في الامتحان يقول لك على الرغم من ان الفيضانات لها اثار مدمره فان النظم البيئيه قد تتعافى من اثارها السلبيه قول له نعم بعد فتره تمام ده بل ان عندنا اصلا بعض النظم البيئيه بتعتمد على حدوث الفيضانات الدوريه زي اللي موجوده على طول نهر النيل كده على الضفاف بتاعته طب ليه؟ عشان بترمي عليها طمي وتربه صالحه للزراعه فبتجدد التربه بتاعتها تاني جميل الفيضانات المدمره قوي قوي ما بتحصلش على طول بتحصل كل عشرات السنين وللاسف بتسبب يعني اضرار كبيره وخسائر كبيره جدا ولذلك لازم ناخد لها احتياطات الفيضانات الشديده اللي هي نادره الحدوث ما هي لما تحصل كل عشرات السنين يبقى ده ندره فيها ندره في الحدوث بتسبب اضرار اضرار كبيره وخسائر كبيره في الارواح وعشان كده لازم نهيا نفسنا عند حدوث فيضان قوي ومدمر ايه الاجراءات التي يمكن اتباعها يمكن اتباعها للاستعداد لمواجهه الفيضانات ما احنا طبعا بنبقى عارفين ان الفيضانات هتحصل بسبب تغير المناخ ففي عندنا حاجات بتتوقع الفيضانات وكده طب نقدر نعمل ايه عشان نحاول ان احنا نحافظ على حياه الناس من الفيضانات الشديده المدمره اولا خلاص دي حاله الاستعداد داد وفي فيضانات فيجب جمع الامدادات الضروريه زي ميه الشرب واي حاجه حضرتك بتاكلها تجمع مقالاز وطاب يعني بعدين تبدا تصنع اكياس من الرمل وتحطها عند دخول المنازل عند المنزل بتاعك حط اكياس رمل كتير كده ليه الرمل ده تربه ايه تربه مش متجمده فالرمل ده اول ما الميه تيجي بيبدا يشرب الميه دي ويهدي من تاثير الميه عند دخولها فبالتالي ده يحافظ شويه على المباني او يحافظ على اي حد موجود عند المدخل ولا حاجه صنع اكياس الرمل لمنع دخول الماء المنازل بكميه كبيره هي هتدخل اصل ده فيضان وشديد هي هتدخل بس وجود الرمل هيقلل من دخولها شويه وكمان لما تيجي تدخل بسرعه هيدخلها بالراحه شويه لان الرمل هيمتص منها هيمتص منها ميه فتخيل كده حضرتك بتجري على طريق اسفلت وبتجري في رمل هتلاقي سرعتك على الاسفلت اكبر من سرعتك على الرمل ليه؟ لان الرمل بيقلل من سرعتك شويه كذلك في الميه يعني كمحاكاه بسيطه يبقى جمع الامدادات الضروريه مثل ميه الشرب صنع اكياس من الرمل لتاثير حده الفيضان حفظ الاشياء المهمه في مكان امن وعالي كمان عشان الميه ما تطلوش تجنب السير طب يعني ايه الاشياء المهمه عندك ذهب بقى عندك فلوس عندك اي حاجه الحق ما فيضان الحق انفق باي حاجه تج وتحطها كمان في اماكن امنه الميه حتى لو غمرتها ما تقدرش تخش لها في عادي اماكن جدا حتى لو الغرفه كلها ميه ما تقدرش تخش جوه الحاجه اللي انت شايل فيها الحاجات الغاليه دي. تجنب طبعا السير في الطرق والصعود الى اماكن مرتفعه ليه طيب بقوللك في فيضان الميه بتيجي ما بتقوللكش اجري هي بتيجي على طول تجنب السير في الطرق والصعود الى اماكن مرتفعه دي الاجراءات التي يمكن اتباعها فلو حصل فيضان يبقى اعمل كده وبقف على السطوح من فوق اخيرا العواصف الرمليه انا عايزك تقف احترام لكلمه العواصف الرمليه لان انت بتحسب العواصف الرمليه زي ما بتجي لك في الكرتون كده صح اللي هي شويه هواء بيلفوا لا ده انت عندك عاصف بيصل ارتفاعها لمئات الامتار يعني تحس ان العاصفه كده بارتفاع عمارتين ثلاثه فوق بعض ده العماره اصلا ارتفاعها يوم ما بتبقى عماره طويله قوي يعني قول مثلا يا سيدي 20 25 قول 30 40 متر حط عمارتين فوق بعض بقى كده ده ارتفاع العواصف الرمليه العواصف الرمليه دي يا جماعه كانها جدار صلب عارف الجدار انا دلوقتي جنب جدار لو خبطت عليه مش مش عارفه تسمع ولا جدار وصلب من ايه بقى؟ من الحطام والركام وكل ما هو تربه وكل ما هو تراب وزلط ورمل كل حاجه جدار صلب يا جماعه ماشي عمال يشيل كل حاجه ف العاصفه الرمليه بتشبه جدار صلب مش جدار وخلاص ده جدار صلب وقومتين من الحطام والغبار اللي هو الرمال والتراب المتطير ده بقى يخش يشيل كل حاجه وطبعا هي عباره عن رياح قويه جدا ما انا بقول لك رياح شايله معاها حطام وركام وتربه كل ما هو تربه تعريفها هي رياح قويه للغايه بتحمل ايه؟ بتحمل الحطام والركام والرمل والتراب وطبعا بتكون جايباه من منطقه شديده الجفاف طبعا بتبقى جايه من منطقه جافه زي الصحرا كده دايما تحس ان العواصف الرمليه بتحصل بكثره كده في الصحراء ليه؟ لانها منطقه شديده الجفاف مافيش فيها مطر كتير وكمان بيبقى فيها اتربه ورمال والحاجات دي رياح قويه للغايه تحمل الرمال والتراب من منطقه شديده الجفاف بتحصل فين؟ بتحصل في المناطق شديده الجفاف يا عم ما الكلام واضح زي الصحرا والمناطق اللي بتعاني من الجفاف لفتره طويله لازم تبقى منطقه شديده الجفاف مش لازم يكون صحرا بس اي منطقه بتعاني من الجفاف لفتره طويله طب الاثار السلبيه ايه لا هي بتاثر على حاجات كتير انت بقى الراجل في الامتحان يقول لك وضح اثار العواصف الرمليه على حركه النقل على حركه الاقتصاد على البيئه بشكل عام او حتى على الصحه العاصفه الرمليه بتشبه جدار صلب من الحطام والغبار وكل ما هو تربه زي ما احنا قلنا وبيثب اضرار كتير جدا في جميع الجوانب فاولا النقل تخيل عاصفه ترابيه كبيره ماشيه فاكيد طبعا ما فيش حركه نقل ما فيش حد هيسوق في جو زي ده كمان اصلا الاتربه هتعمل رؤيه عن السائق السائق مش هيكون شايف حاجه ده اذا اصلا ظل موجود في العربيه والعربيه ماتخ خدتش مع العاصفه اساسا بتضعف الرؤيه بشكل كبير اللي هي الركام بقى والرمل وكده تضعف الرؤيه او تضعف الرؤيه مش فارقه على قائدي السيارات والمركبات بتادي الى وجود خطر كبير عليهم وده بياؤدي الى تعطل الرحلات الجويه طبعا العاصفه دي لو عدت في مكان في طائره شكرا الطائره وكل اللي فيها ماتوا خلاص يبقى في مجال النقل بتضعف الرؤيه او تضعف الرؤيه بشكل كبير ايا كان مما يشكل خطر على قائدي المركبات فبالتالي بالتالي بيؤدي الى تعطل الحركه كمان بتتعطل حركه الملاحه الجويه والبحريه كمان على فكره وبتتلف المحركات اصلا لو انت كنت مشغل اي وسيله اثناء العاصفه ليه؟ لان الرمال هتخش بقى على المحرك وهتبوظه كمان بتاثر على الاقتصاد يعني ايه اقتصاد حضرتك دلوقتي بتجيب فلوس من الالواح الشمسيه ازاي الالواح الشمسيه بيجي عليها الشمس تاخدها تحولها لكهرباء الكهرباء دي حضرتك هي فلوس انت بتبدا توزعها هتاخد في مقابلها فلوس ده اسمه اقتصاد فلما يبقى في عواصف ترابيه ورمليه كبيره الرمل والحطام والركام بيجي على الالواح الشمسيه يغطيها فبتفقد ساعتها الوظيفه بتاعتها ومش بتديك الكهربا فبالتالي الاقتصاب بتاعتك في الاقتصاد بتاعك في النقطه دي بيقف لان انت مش قادر تولد كهربا فبالتالي ما عندكش كهرباء تبيعها بقى خلاص في اللحظه دي بياثر على البيئه ليه بقى الغبار بيملى كل حته بيملى قنوات الميه بيملى الميه نفسها بيخلي عندك جوده الميه بتبقى مش حلوه الميه حتى اللي انت ممكن تستخدمها في الزراعه ما بتبقاش صالحه للزراعه بتبقى مليانه اتربه و وحاجات من دي كتير يملا الغبار قنوات الري مما يؤثر في جوده الميه الصحه حضرتك احنا بنتنفس بنتنفس حطام وركام وتراب ورمل فده بيؤثر على الرئتين والجهاز التنفسي بتاعنا يسبب الغبار مخاطر صحيه اذا تم استنشاقه او دخوله الى العينين ففي حاله وجود العواصف الزم البيت بتاعك ايه ده هو اصلا احنا بنعرف ان في عاصفه موجوده لو انت اخدت بالك من شويه قلت لك ان بيصل ارتفاعها لمئات الامتار مئات الامتار انت تقدر تشوفها من على بعد كبير جدا وهي جايه زائد ان احنا عندنا اجهزه دلوقتي قويه جدا في تتبع العواصف تقدر تقول لك في عاصفه كذا فالزموا البيوت تمام ففي حاله وجود العواصف الزم بيتك علشان ما تستنشقش اي اتربه من شانها انها تؤثر على العينين بتوعك وكمان الرئتين وجهاز التنفسي وكمان عشان ما يحصلكش اي ضرر لو انت كنت في اي مركبه حتى الراجل بيقول لك اهو يمكن ان يصل طول العواصف الرمليه الى عده كيلومترات ويبلغ ارتفاعها مئات الامتار مئات الامتار ده يبقى شوفها من على بعد كبير جدا مما يسهل رؤيتها واحيانا يكون لديك الوقت الكافي لتاخذ حذرك قبل وصولها طب لو جت وانت مات ما اخذتش حذرك ما تقلقش هي هتاخدك معاها وباخد حذرك بقى في وقت تاني حبيبي يا باشمهندس كده خلصنا المفهوم هعرض قدامك دلوقتي الواجب الجميل بتاعك ايوه الواجب طبعا وانت عارف طبعا ان الواجب في اخر حصه بنحله مع مراجعه المفهوم زي ما عملنا في مراجعه المفهوم اللي فات انزل يا ابني بالواجب اتمنى ما تاثرش في حل الواجب حصه كلها حفظ ونظري احفظها كويس جدا وهتلاقي منها اسئله في الامتحانات الحصه الاخيره بتتكلم عن الجفاف والفيضانات والعواصف العواصف الرمليه اكثر جزء بشوفه بيتكرر في الامتحانات هو جزء العواصف الرمليه الحقيقه تاثيرها ايه على حركه النقل تاثيرها ايه على البيئه ولا على الاقتصاد ولا حتى على الصحه اسباب الحدوث بتاعه الفيضانات والجفاف والعواصف الرمليه مهمه جدا وكمان التاثير السلبي بتاع كل واحد فيهم اشوفك على خير الحصه اللي جايه سلام عليكم كم