الحياة المؤجلة التي لا تأتي أبدا

بسم الله الرحمن الرحيم الحمد لله والصلاه والسلام على رسول الله صلى الله عليه وسلم النهارده الحياه علمتني ايه النهارده الحياه خبطتني بمعنى مهم قوي ان احنا احيانا بنعيش حياه مؤجله حياتنا بتبقى بطعم الانتظار عايش بس انت حرفيا عطلان عن الحياه ودماغك في لحظه لحظه مستقبليه هتشعر فيها بالاكتمال او انك جاهز عشان تعيش ازاي لقيت نفسي ببساطه كده احيانا ببقى غرقان في الطموح ان انا او التطلعات ان انا عايز كذا وعايز احقق كذا والفتره دي مركز في الحاجه الفلانيه ومحتاج ان انا اعمل في حياتي واحد واثنين وثلاثه واصبحت ايامي كلها الحاليه هي اعداد وتجهيز للقادم واصبحت من جوه في حاله انتظار للحظه اللي هيكون اللي هتخلص فيها دراسه اللي هيكون فيها معاك ما يكفي من الفلوس اللي هيكون متفرغ اللي هتاخد فيها اجازه اللي ملاحظات مستقبليه عشان تعيش لدرجه اني احيانا مش انا لوحدي الناس كلها احيانا بتعمل كده عشان الناس اللي انت بتحبها يعني انت بتبقى مركز في حاجات ثانيه مستقبليه وعمال تعد وتجهز الحاجات مستقبليه عشان الناس اللي بتحبها وانت بتعمل كده عشان الناس اللي بتحبها بتاثر في حق الناس اللي بتحبها بتاثر في حقهم بتبعد عنهم بتنعزل عنهم ا بتاثر بتبقى مش موجود من اجلهم اعدادا لوقت مستقبلي هتكون فيه متفرغ ليهم احنا بنعمل كده مع نفسنا اسف يعني ب تحسن صحبه نفسك وتاثر في حق نفسك اعدادا لوقت مستقبلي بتظن واهما الوقت ده ما بيجيش بتظن واهما انك هتكون في متفرج عشان تاخد بالك من نفسك احنا عاملين شبه اللي عمال يشتغل يشتغل ويحوش ويحوش ويحوش ويحرم نفسه من الملذات ويحرم نفسه من المتعه ويحرم نفسه من الاعتناء بنفسه وعمال يحوش ويكنز ا للوقت اللي هيطلع فيه على المعاش ولما طلع على المعاش خد الفلوس دي وصرفها على الايه على العلاج عشان يبقى بس قادر يعيش كتير والله موضوع الحديث ذو شجون يعني ا موضوع مؤلم انك تشوف قد ايه من يومك في المك رايح في حياه مؤجله في عايش وفي نفس الوقت انت لا تحيا في اللحظه الحاضره غافل عن الاشخاص وغافل عن المعاني والقيمه واللذات الصغيره والنجاحات البسيطه في الدنيا اعدادا لنجاح كبير بقت حياتنا عباره عن سباق خط النهايه فيه ا بنظن ان هو ساعتها احنا هنرتاح وهنهدى ونبتدي نبص بقى الحياقه عايزه مننا ايه بس المصيبه ان احنا بقى ودي الاصعب في الطموح ودي الاصعب في التطلعات ان كل يوم وكل ما بنقرب من خط النهايه احنا طبعا بنبعده اكتر فتخلص الكليه تفكر مع الناس الدحيحه اللي زي حالاتي تخلص الكليه فتفكر في في هتعمل ايه بعد كده تقول طب بعد ما اخلص الماجستير اكيد هتفرغ وبعدين تبتدي تفكر في ان انت هتعمل ايه بعديها وعمال انت تبعد بنفسك ايه خط النهايه تخلص ا انجاز معين تقول في الصيف تقول بعد ما ماخلص الضغط الشغل الفلاني ويطلع لك واحد ثاني وثالث ورابع لان انت بتظن ان هناك وقت ما وده وهم وده وهمنا الكبير بتظن ان هناك وقت ما ا هيكون خالي من المنغصات و و فراغ من كل حاجه معكره وهتكون جاهز ساعتها عشان تعيش درجه ان احنا حتى بناجل علاقتنا بربنا الى ايه الى الى وقت نكون فيه تجريد نكون في جاهزين لك يا رب جاهزين لك يا رب يعني ا دلوقتي احنا مضغوطين شويه فعمالين ايه يعني بنمشي على خط وخط ا ا بنمشي نمشي على سطر ونسيب سطر ونقع شويتين ليه بنمني نفسنا ان في لحظه ما هنكون فاضيين وهنكون جاهزين وما عليناش ضغوط اا ناس كتير تقول لما اتجوز وناس كتير تقول طب لما اخلف وناس كتير تقول طب لما اخلص شغل والحاجات دي للاسف ما بتخلصش واللي خابطني ان احنا بنعد الحاجات دي من اجل غايات ما لينا وللناس اللي احنا بنحبهم لكن في سبيل اعدادنا للحاجات دي بناثر في يعني فيما يخص نفس الغايات فبناثر في حق نفسنا وبناثر في حق الناس اللي بنحبهم وبتصبح الحياه كلها مؤجله كتير مننا عاشوا مع اباء هم حياتهم كلها كانت ا بره مثلا بعيد عننا او مسافرين او غيره للحصول على المال عشان يرضونا و واحنا ساعتها كنا كل اللي احنا محتاجينه حرفيا هو ان هم يكونوا موجودين واحنا بنكرر نفس الموضوع بس احيانا بننشغل نفسيا بس احيانا بننشغل ذهنيا بس احيانا بنبقى حاضرين في اللحظه الحاضره جسدا لكن غائبين تماما ذهنا فاحنا مش موجودين احنا موجودين عاملين شغالين بالاوتو بايلوت انت بتقوم وبتمارس نفس الحاجات مع الناس اللي انت بتحبها وبتمارس نفس الحاجات مع نفسك وتمارس نفس الحاجات مع ربنا بس بالجسد وبس الدماغ فين؟ الدماغ في بكره الدماغ عايشه في في ايه اللي هيحصل النهارده ايه اللي هيحصل بكره انا لازم اعمل ايه عارف الش وش دايم موجود جوه الدماغ حوالين ما ينبغي ان افعله وحوالين ما اريد و وما اتطلع عليه غافلا عما املك فعليا مركز مع اللي انا عايزه وناسي اللي عندي فعلا تركيزي المفرط مش بقول ان احنا نسيب طموح ومش بقول ان احنا نسيب التطلعات لكن احيانا الطموح ما بيبقاش طموح بيبقى هوس متقنع كده ولابس قناع الطموح بيبقى طمع وشره وجشع لابس كده عبايه وماسك سبحه وبيقول لك ان انا مجرد تطلعات ومجرد غايات ومجرد معنى ومجرد سعي للنجاح وده امر طبيعي ومحمود لكن هو في حقيقته بيبقى شر و وهوس لانه مخليك غافل عن اللحظه الحاضره مخليك غافل عن الناس اللي انت بتحبهم مخليك غافل عن انك تدوق السعادات الصغيره انك تدوق ا لحظه حلوه مع حد انت بتحبه او تدوق حتى لحظه حلوه مع نفسك انك تستمتع بهذه اللحظه الحاضره بحضورك جسدا ودهنا فيها انك تقف الاوتو بايلوت وتمسك المانيوال بقى وتبتدي تشتغل انت وانت اللي تسوق نفسك انت اللي تبقى موجود وانت بتاكل انا مش فاكر اخر مره قعدت اكل بس عشان اكل اا بقى بالنسبه لي الاكل وقت لازم نستفيد بيه نتفرج حتى ولا نتفرج على فيلم طب نتفرج على مسلسل طب نتفرج على دكنتري طب يعني ا ممكن كده ايه هتقعد تقلب في الصفحات قدام لكن فكره ان انت تاكل لمجرد الاكل تستمتع بهذه اللحظه الحاضره اللي انا اسف يعني رغم كل اللي هقوله ممكن يبدو لبعض الطموحين مبتزل ا بطعم الاكل في بقك بملمس المعلقه بسخيته ببخاره بتامل شكله حتى اا لا اتذكر اني سوقت العربيه وانا ما بعملش حاجه ثانيه بسمع مزيكه او بسمع او بشغل فيديو احيانا على اليوتيوب او بسمع اوديو بوك او بشغل الراديو المهم من فكره ان انت تبقى موجود في الفعل اللي انت بتفعله دلوقتي بس انت كلك عباره عن سواقه دلوقتي انت مستمتع بكل لحظه فيها حاضر فيها بشكل كامل منتبه لكل اللي بيدور حواليك في هذه اللحظه ودايما هناك شيء يدور بس احنا بنبقى غافلين عنه متامل فيه وبتطلع منه بمعاني ا ما عارف امتى حصل ده ا لا اتذكر انا دخلت انام من وقت طويل قوي لمجرد ان انا تعبان وعايز انام يعني لا انا لازم قبل النوم تبقى ماسك الكتاب وتنام عليه او تبقى بتعمل حاجه قبل النوم فكره ان انك تعيش اللحظات الحاضره بقينا بنشوف اللحظه الحاضره مستهانه مستسخفه مبتزله محتقره يعني ايه الواحد يخش ينام ويضيع وقت يعني ايه الواحد يقعد ياكل يعني ايه الواحد يقعد مع شريك حياته لمجرد ان هم قاعدين ما بنعملش اي حاجه ا انك تقعد تستمع الى كل هراء وعبث اطفالك لمجرد الاستماع انك ت تبقى موجود من اجل صديق ا من غير ما يبقى في اي نوع من انواع الغايات في القاعده ديت ا انك تكون موجود هنا والنهارده ودماغك في هنا والنهارده وهنا يعني دماغك ما تبقاش في ايه اللي بيحصل بره في ايه اللي بيحصل في حته ثانيه في ايه اللي هيحصل بكره في ايه اللي هيحصل بعد كده تبقى موجود دلوقتي وبس ا الحياه خبطتني فيها ان كاي بني ادم ماشي في الدنيا عمال يعد عمال يجهز للحظه اللي هيشعر فيها بالاكتمال اللي هيشعر فيها ان يلا بينا كده الدنيا جهزت يلا بينا نعيش وللاسف اللحظه دي ما بتجيش بقىي كتير جدا مستنيها بس هي ما بتجيش وكل فتره اقول ان هي دي وده الوقت اللي انت مفروض تعمل فيه او ده الوقت المفروض تبتدي بقى تبص لحياتك اللي انت ماجلها ومعطلها وسايبها على الرف وفاتحها لكن لسه ما قفلتهاش وملفاتك المفتوحه الكتير بس اللحظه ما بتجيش تقول طب بعد الدراسه الفلانيه طب بعد ما تحقق الفلوس الفلانيه طب بعد انتهاء الشهر الفلاني طب بس للاسف ما بتعملش حاجه من ديت فمحتاجين نفرمل الحقيقه خبطتني في ان احنا محتاجين نفرمل محتاجين نقف ونبص على اللي احنا مضيعينه في سبيل ان احنا نحقق له حاجه يعني ممكن بنضيع احيانا اطفالنا في سبيل ان احنا نحقق لاطفالنا حاجه بنضيع بنخلق في النهايه كده كائنات محتاجه ومفتقده للاستيعاب وعندها جوع وعندها شعور بالخذلان لكن عندهم بلاي ستيشن 4 لكن عندهم عربيه نظيفه لكن عندهم شقه حلوه قوي ا بس هم من جوه فاضيين عندهم كل حاجه لكن بيشعروا بالخواء فاحنا بنكرر نفس الكلام من غير ما ناخد بالنا وهي دوامه وساقيه بتسحبنا كلنا من غير ما ناخد بالنا دوامه انك ما تبقاش موجود هنا والنهارده ومستمتع بالحاجات الصغيره والسعادات الصغيره والنجاحات الصغيره انك تبقى راضي بمساحتك الحاليه من الدنيا اه بتعمل حاجات فيها تدبير وفيها ا تجهيز للمستقبل لكن مش مستغرق فيها مش مستحوزه عليك مش غايب تماما فيها عن وجودك هنا ودلوقتي اا بسال ربنا ان هو يرضينا بمساحه حتنا كده الصغيره من الدنيا ويخلينا نركز مع الجمال المستور فيها واللي احنا غافلين عنه و ويمتعنا بالنجاحات الصغيره ديت ويحمينا بقى من السباق اللي مستحوز علينا والجري الدايم اللي تعبنا ده يعني واشوفك على خير بكره